تعرفت ع شب ع النت وبعد حكي شهر تقريبا طلعنا ع مكان قعدة وارجيلة وحبيت شخصيته وارتحتله يعني

تعرفت ع شب ع النت وبعد حكي شهر تقريبا طلعنا ع مكان قعدة وارجيلة وحبيت شخصيته وارتحتله يعني خلينا نحكي في قبول وبعديها طلعنا كم طلعة بعديها انتبهت ع موضوع وهون بدي رأيكم فيه أول طلعة عزمني عادي بعديها كل طلعة صرنا نطلعها انا بعرض ادفع وبقاسمني الفاتورة ع مستوى قهوة مرة عزمته وما دايقه ولا عرض يدفع وبعديها عزمته لمناسبة اله وعادي وصارت كل طلعة بدون ما احكي شي يحكيلي sharing وادفع هلا عادي لو كنا صحاب وبنطلع بدون هدف بس بنتهبل مو مشكلة بس واضح انه معجب وبيحكي كلام كتير ببين انه بحاول يعجبني ويلفت انتباهي وانه بكل وضوح انه بده ارتباط او غيره معي وكتير حكي بدون تفاصيل انه خلينا نحكي “معجب بشدة” من فترة كان عندي مناسبة الي وطلعنا بعديها بفترة بسيطة حاول يعزمني كانه برد العزومة تبعتي اعترضت انه مش وحدة بوحدة بعديها قلي طيب sharing وما أصر!
هلا رح احكي موقف كمثال مرة كنت مع صحباتي واجى وطلبنا اشي بسيط المهم بس اجى الحساب تقاسمنا انا وصاحبتي الحساب صاحبتي دفعت و بس اجيت ادفع الباقي بحكيلي خلينا نتقاسمه انا وانتي والمبلغ تافه مابنحكى فيه استحيت حكيتله مش مستاهلة!
المشكلة انه عاجبني كشخصية وتفكير ومبدأ بس خايفة انه يكون بخيل وياريت بنطلع كتير قليل اقدر اطلع لاني عطول مشغولة وأخر طلعة فاض فيني الكيل انه كان النا اكتر من اسبوعين مش طالعين ومر عيدميلادي وبس اجى الحساب صار نفس القصة sharing مع انه مبلغ مابنحكى فيه بالنسبة لناس بتشتغل ووضعها منيح!
وهو مش بخيل ع حاله يعني بشتري ملابس ماركات ومرتب ومغير مية سيارة مرتبة ومن عيلة مرتبة وحسب مافهمت رأيه بالزواج انه لازم الزلمة يصرف ع البيت وع كل شي وبحكي حتى بالدين المرأة مالازم تدفع ولو بدها بكون الي بطلع من نفسها وجاي عبالها وراتبها الها ومش صغير بالعمر وكان عنده علاقات كتير ومر بعلاقات وعايش بدولة عربية وبفهم بعاداتنا وغيره وماعنده فكر اجنبي مثلا و يعني المفروض بعرف بالاتيكيت او ع الاقل بعرف كيف يتصرف اجتماعيا بهيك مواقف
السؤال هلا هل هاد بخل ولا اختبار ولا غباء اجتماعي ولو كان اختبار اعتقد اثبتت اكتر من مرة اني مابستغله ولا بفكر بطريقة مادية ومابهمني لانه اكتر من مرة نروح اماكن بسيطة اكون انا مقترحيتها ومامحتاجة يتمصرف فيها لانه مابهمني الموضوع بس الي خايفة منه يكون بخيل!

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *