بتمنى من أهل الخبرة يساعدني.. أنا انخطبت لشخص كان بالنسبه إلي قريب مني وفي كتير صفات مشتركه بيناتنا

بتمنى من أهل الخبرة يساعدني.. أنا انخطبت لشخص كان بالنسبه إلي قريب مني وفي كتير صفات مشتركه بيناتنا وكنا نحب بعض كتير ..عرفت أنه كان خاطب عن حب قبلي وماصار نصيب بس قلت عادي ممكن نسيه ياها ولو بدو ياها ماكان رجع خطب غيرا.
صارت الخطبة قصيرة كتير ماطولت ٣ أشهر بس قبلت بالزواج لأنهي المشاكل العائلية بس ماصارت فرصه اني أعرفه منيح
هلأ صرلنا فترة متزوجين بيوم من الايام حكمت الصدفه نتقابل مع خطيبته فكانت نظراته وتصرفاته إلها غريبه جدا بعد نقاش طويل بيناتنا انا نهيت الموضوع وقلت مو ذنبه اذا حبها وماصارت نصيبه
بس بعدها صارت حياتنا سيئه كتير كل يوم صبح ومسا نتخانق ومشاكل وبكي وقهر على أشياء فاضيه وماعاد حس بحبه إلي لدرجه كلما عم أمرض ماعم يوقف معي ولا يحس فيني ولا عم يحاول يستوعبني من الأصل
وبكل مشكلة عم تصير عم يلومني ويرمي الخطأ علي مع انو بكون هو الغلطان
وانا عم حاول استوعبه وكون منيحه معه بكل الاوقات بس تعبت كتير لدرجه ماعاد عندي أمل بهالحياة ولا عاد عندي هدف لكمل حياتي على العلم اني انسانه طموحه كتير ودايما متفاءلة بس مع الوقت عم تنقتل كل مشاعري .. مابعرف اذا كان السبب من ماضيه او غيره بس مع الوقت صارت تعشعش براسي فكرة الطلاق قبل انجاب أطفال
بتمنى المساعدة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *