أمنيتي الوحيدة بحياتي و أملي بالله انه يحققها هو انه يعجل أجل الذكر اللي اسمه بعد اسمي و اللي ربنا10

أمنيتي الوحيدة بحياتي و أملي بالله انه يحققها هو انه يعجل أجل الذكر اللي اسمه بعد اسمي و اللي ربنا بلاني و حملت حمضه النووي لا أكثر
أنا أكثر إنسان مطواع و بحب الخير و المساعدة و ما بعرف أحكي لأ لحدا شو ما كان الطلب.. ما بعرف أكره أو أحقد لكن بكره أبوي و حاقدة عليه و بعرف ربنا ما رح يؤاخذني لأنه مش بإيدي إطلاقاً
حارمنا كل اشي ما عدا الأكل (لأنه هو بحب بطنه لا أكثر) و أي اشي ما بحبه ما بجيبه وما بعترف فيه و مستكثر كل شي علينا و مستكثر حاله علينا
اواعي بجيب النا قطع بدينار من الباله و على زوقه و بدون ما نطلع من البنت ومره بالسنة أو السنتين ومش مهم رأينا و برضو محملنا جميلة
ممنوع نطلع بتاتاً و ممنوع حدا يجينا حتى خوالي و خالاتي لو اجت سيرتهم بقلب ثور هائج و بتهم أمي انهم بحرضوها مع انه ارقامهم مش عندها و ما بتسترجي تحكي معهم
و إذا اجونا و عايدوها بالعيد بتضيق عينه على العيديه و بوخذها فوق ما هو ماخذ راتبها بعد 18 سنة خدمة معلمة بالتربية
و جدير بالذكر انه لما ماما قدمت تقاعد بدون علمه انجن و عمل المستحيل ليوقف التقاعد لأنه رح يخسر مصاري إذا تقاعدت… الله وحده يعلم شو عمل بس عرف انها قدمت تقاعد
لسانه زي السم و مخيف جداً و نتقيه بسبب لسانه ما عنده رحمة ولا حنية و إذا ضرب ما بتقوم من الفرشة لثلاث أيام من التعب و الاكتئاب
إذا شافك بتصلي بتمسخر و بحكي بتصدقي ربنا يتقبلها!!
إذا شافك مريض بتتوجع بحكيلك بكفي كذب قوم اعملي كذا
بضرب و بتف و المسبات زي صباح الخير
بحضر أفلام كبار (كتصنيف) و بحكي مع نسوان بالفيس و الواتس و احنا حارمنا النت و لو شك انه معنا نت بعمل حملة تفتيشية للتلفونات و الغرف
(بنسرق من جيبته ربع على نص دينار و بنجيب بطاقة بالسر و بنشحن و ربنا الحامي)
و الله يعيننا على البرد بالشتا لأنه أصلا بحتكر الصوبة و أصلاً ما بنقعد معه بنفس الغرفة إلا ما ندر و خارج إراداتنا
ممنوع الواحد يختلي بحاله و إذا شاف واحد لحاله قاعد بحكي انت بتعمل اشي غلط أكيد
مانعنا نشتغل أو ناخد دورات مانعنا نتزوج و نخلص منه
بحب هو دائماً يكون المسيطر و فكرت انه كبرنا بتخوفه جداً
خواني شباب ممنوع يطلعوا بعاملهم زي البنات لو فرضنا انه هاي معاملة البنات الصح
و قدام الناس لهجته بتصير أقرب لسوري من دمشق و بصير راقي جداً و متحرر و الكل بتمنى لو انه أبوه

One thought on “أمنيتي الوحيدة بحياتي و أملي بالله انه يحققها هو انه يعجل أجل الذكر اللي اسمه بعد اسمي و اللي ربنا10

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *