انا امرأه متزوجه من 10 سنوات زوجي مشالله عليه كويس معي كتير ودار عمي ماشوفت منهم

انا امرأه متزوجه من 10 سنوات زوجي مشالله عليه كويس معي كتير ودار عمي ماشوفت منهم اشي عاطل طول السنوات هاي وبعاملوني كاني بنتهم واعز
بس مشكلتي صار معي حادث قبل فتره وهالحادث اثر على صحتي ومن جديد بلشت المضاعفات تبين وبلشت اشكي لزوجي ووداني على كذا دكتور المشكله انه حماتي من حد ما عرفت وكل اشوي بتحكيلي يابنتي الوحده ما لازم اضل تشكي لزوجها عن وجعها عشان ما يمل منها ولازم تتحملي وتسكتي وحكتلي كلام جرحني كتير حسستني اني عاله عليهم وهم بعالجو في عشان يبرو ذمتهم والله انه نفسيتي مدمره من الكلام الي حكته بس ما بقدر ارد عليها لانه متل امي وانا من النوع الي ما بقدر ارد بواقاحه بس مقهوره من كلامها قد الدنيا ومن وقتها مسكره ع حالي بيتي ومش قادره اروح عندهم ولا اشوفها مو عارفه شو اتصرف مجروحه من الكلام الي حكته بس مو قادره اعمل اشي لاني بنت اصلا ما بقدر ارد او اتصرف تصرف يجرح حدا مني

2 thoughts on “انا امرأه متزوجه من 10 سنوات زوجي مشالله عليه كويس معي كتير ودار عمي ماشوفت منهم

  1. فارس النور says:

    انك بنت مش يعني انك ضعيفه واهل زوجك لهم الاحترام ما دام في احترام بس من الاساس فهمي جوزك على انه المواضيع الخاصه تضل خاصه ومن الاساس ما تطلع لبرا وحافظي ع خصوصية العلاقه وتددللي ع جوزك وزبطيه واذا ما جاوبتي الي بزعلك او ما بدك احكي لجوزك بأسلوب حلو انت سندي وصار هيك هيك وانا ما بحب وبحس بأهانه بس كمان ما تكونيه حساسه زياده وموفقه والله يهونها

  2. فاطمه says:

    الجاءي لربك وادعي ليل نهار يشفيكي ويخفف عنك ادعي بحرقه ودموع يسخرهم لك وانشاء الله يستجيب لك ويجبر خاطرك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *