انا صرلي ٣ سنين متزوجة ومعي ولدين الله يحميهم زوجي من سنتين عرفت انو بحشش واوقات بياخد حبوب علما

انا صرلي ٣ سنين متزوجة ومعي ولدين الله يحميهم
زوجي من سنتين عرفت انو بحشش واوقات بياخد حبوب علما انو دخلنا محدود جدا وانا راضية وساكتة والله مابرضى اطلب منو اي اشي اوقات بيجي عبالي بكيت شبس ما برضى اطلبو منو لانو باختصار بقول مامعي وشايفة كيف الوضع
هو من شهر رمضان ما اشتغل نهائي وعايشين على ١٠٠$ بتجينا كل شهر منحة قطرية وأشهر ما بتطلعلنا
حاولت معاه بكل الطرق انو يبطل ما في فايدة حكيت لابوه .. ابوه خاف يواجهو وراحت امو حكتلو اني حكيت لابوه وعيب احكي لانو هاي اسرار بيت وطلعني كزابة قدامهم
وحردت وزعلت ع الفاضي مش عارفة شو اعمل معاه
احنا ورانا التزامات بمبرز وحليب واكل وشرب وغاز ومصاريف كتيرة وهو ولا عبالو اول مايجي بايدو مصاري بكيف حالو
دهبي اول ما اتزوجنا بعتلو اياه ب٢٥٠٠ دينار سداد ديون علما انو مهري كان ٣٠٠٠ دينار بس وعفشت مطبخ مني وعايشين ببيت عبارة عن غرفة ٢٤ متر منها غرفة نوم بفصلها ستارة وقعدة للضيوف وبنفس الوقت نوم الاولاد ومطبخ متر في متر وحمام
غير كل هاد بغار من اي اتنين متفقين وبتغزلو ببعض وبضل يقارني فلانة ملكة جمال وفلانة دايما تضحك وفلانة شوفي كيف بتقف ع الباب تودع زوجها
مع اني والله مش منقصة عليه اشي من لبس من مكياج من كلام
بس انا انطفيت من جوا عمري ما كنت هيك عند اهلي .. اغلب الايام مابنلاقي اكل مش قادرة اضحك معاه من قلبي كتير بدعي عليه وبكرهو وبرجع بقول عشان خاطر الاولاد لانو دايما بهددني ياخدهم وبقلي زي ما اجيتي لحالك بتروحي ع اهلك لحالك
ومش قادرة احكي اشي لحدا من اهلي
اهلو طبعهم جدا وسخ وزهقت من العيشة عندهم دايما يطلعو مين اجاني وشو جابلي وشو عملي وبعرفو ابنهم ما معاه شيكل يطعمي اولادو ما بيعطوه صحن طبيخ
كتير اوقات بفكر انتحر
طولت عليكم بس تعبانة ومخنوقة مش لاقية حدا احكي معاه وما بعرف كيف اتصرف

2 thoughts on “انا صرلي ٣ سنين متزوجة ومعي ولدين الله يحميهم زوجي من سنتين عرفت انو بحشش واوقات بياخد حبوب علما

  1. فارس النور says:

    اول اشي استهدي بالله وتوكلي ع الله ما في اشي بالدنيا بستاهل تصبري ع هيك معامله يعني تخيلي وصلت فيكي للأنتحار طيب شو بفيدك عند ربك وما تخليه يمسكك من ايدك الي بتوجع الاولاد عاادي اطلبي الطلاق لانها حياة وحده الي زي هيك ما بستاهل يضل معك وخبري اهلك اهلك سندك الوحيد بالحياه روحي لحدا بتثقي فيه بالعيله واحكيله ع كل اشي فضي قلبك واستعيني بالله وخلعيه زي الكلب يقلب وجهو انتي بتستاهل تعيشي مع حد يقدرك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *