مابعرف ليش قررت أكتب بس يمكن من الكآبة، أو الملل، أو مابعرف وحيد أهلي أهلي الي مابعرف بحبهم أو لا

مابعرف ليش قررت أكتب بس يمكن من الكآبة، أو الملل، أو مابعرف. وحيد أهلي، أهلي الي مابعرف بحبهم أو لا
وعيت عهالدنيا والمشاكل بين أبوي وأمي مستمرة بحيث لايمر أسبوع الا بمشكلة، ومرات أيام!
أما بالنسبة لمشاعرهم تجاهي، كنت دايما لمن يصير اشي مايعجبني أحكي هدول أهلك أدرى وأكيد بحبوك وبدهم مصلحتك، هسا عمري 20، صرت لمن أسمع حكي حدا عن أهلو أسأل حالي معقول أهلهم نفس أهلي؟ أمو نفس أمي الي خلال طفولتي كانت عالمنتديات وتقوم فيني بأكل وشرب بس ، والي كانت تسولف مع شباب؟ ولا أبوي الي كان ينام لحالو ويخليني مع الوالدة؟ طب أمو بتعمل مشكلة عالصغيرة والكبيرة وطباعها سيئة؟ صار عمري 20 ونا بحكي لأمي بحبك يما مجاملة! معقول بحبها؟ طب أبوي الي ببوس ايدو كليوم الصبح معقول كمان بحبو؟ مابظن!
صرت أنفر من أهلي بشكل مش طبيعي بحيث إني مش مصدق أتخرج عشان أستقل عنهم، اه بالمناسبة آخر مشكلة عملوها لهسا ماتصالحو وشكلهم مش رح يتصالحو!
رسالتي للجميع، لازم فرق السن بينك وبين شريكك الي بتختارو يكون أقل من 10سنين ويفضل 5، مشاكلكم التفاهة ولادكم رح يشيلوها عكتافهم.
وللمتزوجين، لا تتخانقو قدام ولادكم مهما صار، لأنها كثير ثقيلة والله، كثير كثير.
وأخيرا، الله بعين، تصبحو عخير
لا ويت لسا ماخلصت، كمان وحيد أهلو مش مدلل يخوان، هاد بتكون كل هموم العيلة عليه فمشان الله لاتحسسوه أنو عايش بنعمة، وحبو أخوانكم وخواتكم كثير.

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *