مخنوق ومش عارف من وين ابدا ..القصه بدت من يوم خطبتي وانا بشوف وبسكت ..وبحاول الاقي حل عاساس انه قصه

مخنوق ومش عارف من وين ابدا ..القصه بدت من يوم خطبتي وانا بشوف وبسكت ..وبحاول الاقي حل عاساس انه قصه عاديه بس حاليا عم تكبر ومش قادر استوعب انه معقول في ام بتكره ابنها لمجرد انه ارتبط ببنت تكمل دينه ويكمل حياته متل باقي هالشباب ؟؟ طلبت من امي تخطبلي ..فعلا وبدت قصة البحث عن عروس ..وبعد اكم سنه لقينا عروس ..ليش بعد اكم سنه لانه كل مرة امي تقولي الجماعه رفضووك ومابدهم اياك …اانا مش وحداني عندي اخوه ..بس يبدوو انه الوالده مخنوقه من قصة جيزتنا ..كانت تقول مافي مصاري اجوزك ..حوشت وجهزت حالي ..قالت مش لاقيه عروس …صرت ادور معها ..لقيت متل مابدي ومتل مابدها ..بس هالمرة رحت معها وماكنت اتركها لحالها باي خطوه وتمت الموافقه عالخطبه …اللي صار انه بيوم كتب كتابي شفت امي كل الحفله غضبانه ..ظنيت انه اهل العروس ضايقوها ..وفجاه قامت تلاطش وخرجنا من بيت الجماعه كانه في مصيبه صارت فجاه من قبلهم وانا اسال امي شوو في ..ليش فجاه ناديتي علي وخرجتيني من عندهم وبدك نروح وسحبتي خواتي. ….قال هدول مش محترمين ..مبين عليهم شايفين حالهم ..ليش شوو عملووا ياامي ؟؟ قال ما عملولنا ضيافه خاصه لاهل العريس تختلف عن المعازيم..قلتلها يماا انت ملاحظه انهم وفرووا علي اجار قاعه وكل ضيافه الحفله على اهل العروس مع انه لازم تكون علي ..؟؟ قال انت شوو بفهمك هدول طماعين وعينهم مبينه والبنت مستقله فينا …قلت انا بجوز بحكم خبرة امي شافت اللي انا مش قادر اشوفه ..انزلنا تاني يوم نجيب دهب العروس هديه للبنت بدل حفله ..اشي بسيط ..نزلت امي وامها وانا وامي وخواتي وكل ما البنت تأشر على حاجه امي تحمر وتخضر وتطلع فيّ وتقول الله يهنيكم كاني مذنب معها باشي ..لما روحنا كل الطريق وهي تقولي مالك ..سايله ريالتك ..لسه ماعرفتها صرت بدك تجبلها الدنيا ..قلتلها يما البنت واهلها ماطلبووا حفله خطبه ولا حفلة كتب كتاب وهاد حقها وكل صحابي بعملووا هالحك وانا سألت..قال هالايام ماحدا بجيب دهب ..خواتم خطبه وبس مع العلم انهم على حسابي لامنها ومن الوالد ..بعد هيك عزمنا البنت عنا عالبيت بدون اهلها ..لانه امي قالت خليها تيجي نتعرف عليها وبعدين بيجوو اهلها …ولانه خطيبي واهلها محترمين مااعترضووا …اجت البنت وانا فايت عالبيت بلاقي خواتي واقفان عالباب متل العسكر مخصرات وببحرووا فيها ..دخلت عالمطبخ عند امي بقولها الحقي بناتك ..قال خليها تعرف قيمتها انه احنا مش طايقينها وانه استقبالها كل دخله وطلعه هيك ..وانا مش مستوعب ..اجيت ادخل العروس عالضيوف ..بتخرج امي وايديها طبيخ وبتقولها لااااا اقعدي بالمعيشه احسن تفكري حالك ضيفه وتصدقي ..وضحكت امي ضحكه غريبه ..البنت ماحكت ..بس روحت من عنا مبين عليها متضايقه ..بعد شهرين طلبوا اهل العروس زياره لبيت اهلي ..امي عملت فلم ما حصل وشر بالبيت ..انه هالحرباي واهلها ابفوتوش عليّ ..وانا اتحجج لاهل البنت انه امي مدرسه ومشغوله ومش ملحقه وهالكم يوم ..باختصار من الاخر بعد ضغط على امي شديد مني ومن ابوي استقبلتهم..وعملت منيحه وخواتي خرجووا من الدار لانه مش طايقات خطيبتي ..وبعد روحت البنت واهلها امي عملت شر وماحدا فينا فاهم شوو في ..قال اجت خطيبتك ولزقت جنب امها ضيفه وتركتني اخدم عليهم ..قلتلها هاي تاني زياره بتفوت بيتنا وماعملتلك اشي والاصل خواتي هون يضيفووا معك ..قال مش مجبورات فيك وبقرفك..يما اانا شو عملتلك ..طيب البنت شوو عملتلك..؟؟ قال مش ضروري تعمل بس انا ما تدللت ..جايبلي وحده تدللها قدام عيني وتقهرني انا وخواتك وبدك اخليك تتهنى ؟؟ واجا موعد عرسي ..واجت امي عالعرس كانه عزااا وضلت تحرض قريباتها عالبنت واهلها وصارووا يكايدوها ويجائروها للبنت واهلها …قال هي واهلها بستاهلووا ..بعدين صارت تيجي امي وخواتي متل ريا وسكينه عند مرتي بعد يومين من العرس وعلى تسميع كلام ..وانه انت ليش هيك بتطبخي؟؟
ليش هيك بتلبسي ؟
ليش تاخدي واحد مش متعلم واختك ماخده متعلم ؟؟اكيد انت معيوبه ..!!! اتفقنا انا ومرتي العروس الحامل نعمل عزيمه لاهلي وندللهم عشان يحبوها ..اجوا عالعزيمه وخواتي يكايدوو بالبنت ويطلعووا ببعض ويتمسخرووا عليها واخر اشي غلطووا عليها وبدهم يضربوا لانه ردت عليهم وقهرتهم بادب …بعد روحووا مرتي قالتلي اسمع ..انا ما بدي اياك ..خليك عند امك ..وحل عني وطالبه الطلاق وبدها تشتري حالها من مكر امي وخواتي …معقوول انا بحلم ..وهاي مش امي ؟؟ كيف ممكن الام تكره ابنها ويصير مغضووب بس لانه اتجوز ؟؟ طيب لو طلقت مرتي …امي بترضى علي ؟؟ واهل الشرع افتوني ..اطلقها للمخلوقه وارضي امي ؟؟ البنت اصلا وصلت للقرف من عمايل امي وخواتي ..كنت اسمع بمكر الحموات وبناتهم ومااصدق وفي تفاصيل كتير ما حكيتها لانه عيب تنحكا ..ولانه هدول عرضي امي وخواتي وهاي مرتي بامانتي؟؟ ماتقولولي كون رجال ..انا حاولت كتير افصل بينهم واحط حد للطرفين وعشان مااكون ظالم تحديدا لامي وخواتي اللي مفكرين مرتي فريسه واذا بوقف معها بكون مغضوب وعاق واذا يوقف معهم بكون ظالم لنفسي ومرتي …ابعدت عنهم وابعدت كتير ..صارت امي تبعتلي رجال اصلاح على شغلي ..قال حرام عليك تكون عاق ؟؟!! رحت ازورها لحالي لقيتها مشهره بمرتي بين الناس انها ساحرة ولئيمه …رحنا نزورها بهدايا ونصالحها لانه بهدلتنا …صارووا خواتي بدهم يضربووا مرتي…وحاليا مرتي طالبه الطلاق ..وانا مابدي اطلق لانه بحبها ولانه بنت عالم وناس ولانه تحملت كتيير وسكتت عشاني ولانه عندي ولد وبنت …وهي مصره عالطلاق…شوو الحل؟؟؟

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *