يعطيكن العافية …انا تعبت ويئست ..انا ربي ابتلاني بأخ سفيه ومريض نفسي

يعطيكن العافية …انا تعبت ويئست ..انا ربي ابتلاني بأخ سفيه ومريض نفسي ( حسب كلام الاطباء) ولكن هو رافض العلاج تماما وامي مريضة نفسية من ٢٠ سنة بتاخد ادوية منومة وهيك المهم انا عشت طفولة مرة وقاسية واحد اسبابها هو اخي نفسو كان يقتل وبضرب بدون سبب لحب اثبات الذات وبعد ما تزوجت ما تركني اتهنى بزواجي صار يعمل مشاكل مع زوجي وقلل ادب عليه وزوجي تحملو كتير ووصلت بينهن للقتل والضرب بس جوزي كبر عقلو واخي ماكان يعقل ويفهم ان هاد صهر ما بينعمل معو هيك كل مرة يغلط فينا و يرجع يصالحنا ويوعدنا يتغير وما يتغير ما عدا مشاكلو مع امي واختي الصغيرة عاملهن رعب بالبيت ..احيانا بكون منيح وحنون واوقات بيحكي حكي طالع نازل وبخبص وبيغلط وبيصرخ وبصير قليل احترام بشكل ما حدا بيقدر يتحملو بصراحة بعد ما هدد زوجي بالقتل اشتكى للبوليس وصار خصام كبير واتدخلت وجاهات لتحل القصة وانا كنت رافضتو بحياتي نهائيا بس بعد ما وعدنا ان يتغير قلت يا بنت صالحيه بيضل اخوكي ولكن هاد هو ما تغير وامي واختي واخي ساكنين جنب بيتي وامي عطول بتروح وبتجي عندي وهو بيجي احيانا معها ليستفزنا ويزعجنا يا جماعة انا ما عارفة حافظ على سعادة بيتي بسببو لان ما بتتخيلو قديش معكر حياتنا كيف بدي حل الموضوع لان زوجي مابقى يتحمل قلة ادبو و احترامو ( علما ان اهل زوجي ما بحياتن غلطوا علي ) انا عم اخجل قدام زوجي ساعدوني انا عجزت

One thought on “يعطيكن العافية …انا تعبت ويئست ..انا ربي ابتلاني بأخ سفيه ومريض نفسي

  1. فاطمه says:

    ماتستقبلي اخوكي ببيتك اكتر من السلام ماتحكي معه واحكي لامك تيجي بوقت مايكون اخوكي موجود بالبيت أو ماتحكيلوا أنها جاي تزورك تزورك بالخفيه عنه اذا زوجك امنيح معك حافظي عليه وعلى بيتك اخوكي مابفيدك

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *